Azərbaycan Üzgüçülük Federasiyasının baş katibi Oqtay Atayev beynəlxalq əlaqələr üzrə menecer Tamerlan Hüseynov ilə birlikdə Ankara şəhərində Türkiyə Üzgüçülük Federasiyasının prezidenti Erkan Yalçın və baş katibi Seçkin Renklibayla görüşlər keçiriblər. Federasiyaların fəaliyyət istiqamətləri və məqsədləri, həmçinin tərəfdaşlıq imkanları müzakirə edilib, gələcək inkişafa dair fikir mübadiləsi aparılıb.

Qeyd edək ki, bu ay Avropa Su İdmanı Federasiyasının (European Aquatics) prezidenti Antonio Silva və birinci vitse-prezidenti Yosip Varvodiç ASF-in prezidenti Zaur Əliyev və vitse-prezidenti Xaliq İldırımzadəylə görüşüblər.