Süleyman İsmayılzade Avropa Çempionatında 21-ci olub

Azərbaycan milli komandasının üzvü Süleyman İsmayılzadə Parisdə keçirilən böyüklər arasında Avropa Çempionatında 800 metr məsafəyə sərbəst üsulla üzgüçülük yarışında iştirak edib.

Məsafəni 8:04.28 nəticə ilə tamamlayaraq, Süleyman şəxsi rekordunu yeniləyib. Onun əvvəlki nəticəsi 8:05.15 idi. Öz qrupunda (heat) 17 yaşlı idmançımız 3-cü olub, ümumilikdə isə 35 üzgüçü arasında 21-ci yeri tutub.

Turnir 16 avqust tarixinədək davam edəcək.