Azərbaycan Üzgüçülük Federasiyası (ASF) və “Caspian Aqua Challenge” (CAC) arasında memorandum imzalanıb.

Sənəd üzgüçülüyün kütləviləşdirilməsi və beynəlxalq idman brendlərinin ölkəyə cəlb edilməsi məqsədilə əməkdaşlığı nəzərdə tutur. Tərəflər açıq suda üzgüçülük yarışlarının təşkili, keçirilməsi və təşviqi üzrə birgə işlər aparacaqlar.

Memorandum ASF-nin baş katibi Oqtay Atayev və CAC-nin direktoru Səbinə Məmmədova tərəfindən imzalanıb.