MDB Oyunları və əməkdaşlıq perspektivləri müzakirə olunub.

MDB Oyunlarının ilk günündə Azərbaycan Üzgüçülük Federasiyasının prezidenti Zaur Əliyev ilə Belarus Üzgüçülük Federasiyasının prezidenti Olqa Stepus arasında görüş keçirilib. Tərəflər yarışın gedişatını, qarşılıqlı əməkdaşlıq perspektivlərini, idmançıların hazırlıq səviyyəsinin yüksəldilməsi üçün mümkün təcrübə mübadiləsini, həmçinin üzgüçülük idman növünün inkişafına xidmət edəcək birgə layihələrin həyata keçirilməsi imkanlarını müzakirə ediblər.

Xatırladaq ki, III MDB Oyunları 28 sentyabr – 8 oktyabr tarixlərində Azərbaycanın 7 şəhərində baş tutacaq və müxtəlif idman növlərində iştirakçı ölkələrin idmançılarını bir araya gətirəcək. Üzgüçülük turniri Gəncə İdman Sarayında keçirilir.