Milli çempionluq uğrunda gərgin mübarizə və yeni rekordlara şahid olmaq üçün sizi yarışlara dəvət edirik.

Üzgüçülük üzrə Azərbaycan Çempionatı bu il 11-13 dekabr tarixlərində Bakı Su İdmanı Sarayında keçiriləcək. Ölkənin müxtəlif şəhər və klublarını təmsil edən idmançılar sərbəst, arxasıüstə, brass, kəpənək və qarışıq üslublar üzrə yarışacaqlar. Yarış həm fərdi, həm də estafet şəklində keçiriləcək. Bu çempionat təkcə ən güclülərin müəyyənləşdirilməsi üçün deyil, həm də yeni istedadların üzə çıxması, onların beynəlxalq arenaya hazırlanması baxımından mühüm rol oynayır. Yarış boyunca səhər təsnifat mərhələləri, axşam isə final görüşləri keçiriləcək.
Azərbaycan Üzgüçülük Federasiyası bütün idmansevərləri bu möhtəşəm idman bayramını canlı izləməyə dəvət edir.
Final mərhələlərinin başlama vaxtını diqqətinizə çatdırırıq:

11-12 dekabr 17:00
13 dekabr: 16:00