Üzgüçülük üzrə Azərbaycan milli komandası qısa məsafə üzrə Avropa Çempionatında iştirak etmək üçün Polşanın Lyublin şəhərinə yola düşüb.

Yarışda Azərbaycanı Əbdürrəhman Rüstəmov, Oqtay Hüseynov, Ramil Vəlizadə və Süleyman İsmayılzadə təmsil edəcəklər. Onları üzgüçülük üzrə baş məşqçi Luka Qabrilo, məşqçilər Ruslan Hətəmxanov və Teymur Quliyev müşayiət edir. Komanda çempionatda müxtəlif məsafələr üzrə çıxış edərək mövsümün ən yaxşı nəticələrini nümayiş etdirməyi hədəfləyir.