Üzgüçülük üzrə Azərbaycan milli komandası Slovakiyanın Şamorin şəhərində 18 yaşadək idmançılar arasında keçiriləcək Avropa Çempionatına yollanıb. Bu yarışda ölkəmizi yeniyetmə üzgüçülərimiz Anastasiya Boborıkina, Oqtay Hüseynov, Orxan Əliyev, Süleyman İsmayılzadə və Səid Həmidov təmsil edəcəklər. Onları milli komandanın baş məşqçisi Rəşad Əbdürəhmanov və məşqçilər Ruslan Hətəmxanov və Teymur Quliyev müşayət edirlər. Yarışda əksər Avropa ölkələrindən böyük sayda yeniyətmə idmançılar mübarizə aparacaqlar.

Xatırladaq ki, bir neçə gün öncə Slovakiyanın Şamorin şəhərində 23 yaşadək idmançılar arasında Avropa Çempionatı keçirilmişdir. Bu yarışda ölkəmizi təmsil edən 4 idmançının hər biri ən yaxşı nəticəsini yeniləməyə nail olmuşdur.