Gənclər və İdman Nazirliyi ilə Azərbaycan Üzgüçülük Federasiyasının (ASF) təşkilatçılığı ilə “Üzməyi Öyrənək“ layihəsində çalışacaq məşqçilər üçün beş günlük təlim proqramı keçirilib.

Təcrübəli sloveniyalı mütəxəssis Boro Ştrumbelin rəhbərliyi ilə Bakı Su İdmanı Sarayında baş tutmuş proqramda məşqçilərə üzgüçülüyün tədrisi, məşq prosesinin təşkili və müasir məşq üsulları ilə bağlı nəzəri və praktiki biliklər təqdim olunub. Seminarlarda 50-yə yaxın məşqçi iştirak edib.