Slovakiyanın Şamorin şəhərində keçirilmiş 18 yaşadək üzgüçülər arasında Avropa Çempionatı başa çatıb. Yarışda iştirak edən idmançılarımız öncəki ən yüksək nəticələrini yeniləməyə nail olublar. Üzgüçülərimizin nəticələri:


Süleyman İsmayılzadə – sərbəst üsul ilə 800 və 1500 metr məsafələr

• Öncəki ən yaxşı nəticəsi: müvafiq olaraq 8.11.92 və 15.26.02
• Avropa Çempionatındakı nəticəsi: müvafiq olaraq 8.05.91 və 15.18.46

Anastasiya Boborıkina – bras üsulu ilə 100 və 200 metr məsafələr

• Öncəki ən yaxşı nəticəsi: müvafiq olaraq 1.17.16 və 2.49.87
• Avropa Çempionatındakı nəticəsi: müvafiq olaraq 1.16.67 və 2.47.83

Səid Həmidov – bras üsulu ilə 50 metr məsafə

• Öncəki ən yaxşı nəticəsi: 30.52
• Avropa Çempionatındakı nəticəsi: 29.87

Qeyd edək ki, Süleyman İsmayılzadə 1500 metr məsafədə nəticəsini yeniləməklə yanaşı finala vəsiqə qazanıb. Yarışın ən uzun məsafəsinin finalında idmançımız 7-ci yeri tutub. Sərbəst üsul ilə 800 metr məsafədə isə Süleyman inamlı çıxış etməsinə baxmayaraq, finalın bir addımlığında mübarizəni dayandırıb.

Yarışda Avropanın 51 ölkəsindən 600-dan çox idmançı çıxış edib. Milli komandamızın üzvləri Süleyman İsmayılzadə və Oqtay Hüseynov yarışa qatılan ən gənc idmançılar sırasındadırlar – hər ikisi 16 yaş.