Tokyoda təşkil edilən XXV Yay Deflimpiya Oyunlarında Azərbaycan ilk dəfə üzgüçülük idman növündə təmsil olunub. Ölkəmizi yarışda Milanə Xəlilova təmsil edib.

İdmançı sərbəst üslubda 50, 100 və 200 m məsafələrdə çıxış edərək, hər üç məsafə üzrə şəxsi nəticələrini yaxşılaşdırmağa nail olub. Onun yeni göstəriciləri aşağıdakı kimidir:

• 50 m – 31.69
• 100 m – 1:12.90
• 200 m – 2:41.00
  

Qeyd edək ki, Tokyoda keçirilən Deflimpiya Oyunları Azərbaycan komandası üçün bir gümüş medalla əlamətdar olub. İlk dəfə iştirak etdiyimiz belə bir yarışda yeganə medalı komandamıza cüdo yarışlarında Coşqun Əliyev qazandırıb.