Üzgüçülük idman növünə marağın artırılması məqsədilə yeni layihə start götürdü.

Gənclər və İdman Nazirliyi Azərbaycan üzgüçülük idman növünə marağın və diqqətin artırılması məqsədilə yeni pilot layihənin icrasına başlayır. Azərbaycan Üzgüçülük Federasiyasının mətbuat xidmətindən verilən məlumata görə bu gündən start götürəcək layihə çərçivəsində 5 şəhər və rayondan  967 şagird iştirak edəcək. İlkin mərhələdə hər şəhərin bir məktəbindən 1-5 ci sinif şagirdləri 1 ay müddətində üçgüçülük hovuzlarına gələcək və üzməyi öyrənəcəklər. Gələcəkdə bu layihə effektiv olarsa şagirdlərin sayının və rayonlar üzrə planlaşdırılmanın genişləndirilməsi nəzərdə tutulur.